Ayaw gayud panumbalinga
kanang mga asoy anang imong dughan
Paski og gapas nang imong dunggan
Og piyonga ang imong mata
Dayon talikod og kantaha
Ang mga musika ni Madonna
Kay kung ikaw gayud mamati
Sa hoyohoy sa kasingkasing
Nga tam-is og taginting
Apan kung tilawan, aslom og halang
Parat, dili masabtan
Sama sa punuan sa kapayas
Nga mamulak apan dili mamunga
Og kung imong bisbisan
Manalingsing-
Modaghan ang iyang mga dahon
Nga sa paglabay sa panahon
Sigon pa kang Ason
Mangahagbong lang gihapon.
No comments:
Post a Comment