Monday, February 2

BALITAW: Ikaduhang Yugto



Padayon nga Lantugi ni Mariang Manananggal ug Leo Santilmo

LEO:
Ayawg pasugata nang imong kilay
Ug ayaw usab dinha pagtalidhay
Ako maoy imong init nga lantay
Aron ikaw gayud malipay

MARIA:
Si Anay nga nagabakya
Maoy akong suod nga amiga
kung kami gustong magsadya
Sa diskoral kami mosalida

LEO:
Maria! Maria! Sa ako paminaw
Kanang imong mga kamingaw
Way tumbanan kay di ko mohikaw
Sa imong mga tumong ug lakaw

MARIA:
Saksi ang takdol nga bulan
Sa mga pulong mong gibuhian
Kay kong imong hikalimtan
Sa imong kalayo, ikaw bawian

LEO:
Unsa pa man ang atong gihulat?
Ning pagbating naghaguros, di paawat
Dawata na kining akong gihalad
Magkombira ta sa atong panaad

MARIA:
Buot ka gayud diay mangasawa?
Hinumdumi! basig nalimot ka
Kining akong lawas matunga sa duha
Basin baya ug malibog ka

LEO:
Para kanako dili kana problema
Bisan pa og mabahin ka kapila
Kay ikaw lang gayud Maria
Ang bugtong kong hinigugma

MARIA:
Kung mao kana tubaga
Kining akong pangutana
Gitukod mo na ba diay ang haligi?
Sa atong balay o igo ra ka sa sulti

LEO:
Tan-awa ang imong palibot
Ang kidhat sa mga aninipot
Kadungog na kas alimukon?
Nagkudyapi ug sa gugma ulipon

MARIA:
Unsay pagtuo nimo ning pamayhon?
Buta ug bungol sa katahum
Wala nagbantay ug nagsud-ong
Pagsubang sa adlaw wa nay panahon?

LEO:
Palabya ning naligas nakong pulong
Kay ang panahon tang naangkon
Nagdali tanan, ambot asa padulong
Inigsubang sa adlaw wa nay panahon

MARIA:
Kasabot kos imong pagmahay
Amihan ug Habagat nanglabay
Apan daghan ang wala kabantay
Kay sa ilang trabaho nabudlay

LEO:
Sa akong pagsuroysuroy
Gidala ko padiindiin ni Dagohoy
Sa lanang sa Sebu daplin sa kahoy
Diin ang paring walay ulo nanaghoy

MARIA:
Ayaw kog lisanga sa taghoy s apari
Nga inighuman sa misa nanari
Mosinggit og sa pula! sa puti!
Kung momandar morag hari

LEO:
Kini si Padre nga taga Sebu lahi ra
Balaanon ug talagsaog kinaiya
Manggiloy-on kang bisan kinsa
Dili ta pugson pagtambong sa misa

MARIA:
Ang akong hingpit nga pagtuo
Si Allah, Budha ug Ginoo
Anaa sa tanan, kanako ug kanimo
Ayawg sakita ang kinaiyahang gidibuho

LEO:
Kining langob sa akong balatian
Nahigmata sa putli nga kinaadman
Ug ang atong tinuhoan
Nagkasabot ingon man atong batasan

MARIA:
Mora man kag nawad-an sa paglaum
Mabaw diay matugkad dili lalum
Mahuyang ug walay gahum
Morag palasyong gama sa bunbon

Magpadayon ang lantugi dinhi sa sunod na usab (-:

4 comments:

Hazelen C. Cobol said...

pasunda ko ining
imong kataw-anan
apan may pagtulun-an
nga bersyon sa gugma
sa mananggal
ug bampera...

unsa kahay katapusan niini?
ako kanang atangan...
ma'am bambi:)

Hazelen C. Cobol said...

aw taym pa manananggal diay ug santilmo... aw unsa ba...

diwata61@yahoo.com said...

Salamat sa pagbasa...duha o tulo pa ni ka yugtong umaabot.

Way papildi sa duha (-:

Anonymous said...

counterfoil into on the other side of c pass lying the give tit for tat for at the all going round [url=http://www.bestbodog.com]bodog casino[/url] , with mysterious [url=http://www.freeamericancasino.com]casino games[/url] and loose [url=http://www.yourcasinousa.com]casino bonus[/url]. you can also be with poker rooms at [url=http://www.bestbodog.com]bodog poker[/url]
[url=http://www.liveinternetcasino.com]Casino Spielen[/url] and [url=http://www.casinogameluck.com]Online Casino Spiele[/url] at the most successfully German casinos in return DE players.