Matag adlaw
sa kilomkilum
ang panganod modag-um
Matag adlaw
sa kilomkilum
ang mga gangis magkanayon
Sa kalibutan
nga daw masulob-on
ug mga sapa nga lawom
Sa kalibutan
nga atong naangkon
dugay na nga panahon
Apan ang pultahan
nga gitabonan
ning kilomkilum
nagtangag ug paglaum
Gama kini sa bulawan
ug ang iyang pantawan
sa agik-ik, gilibutan
No comments:
Post a Comment